大熱日劇《今際之國的闖關者》第二季已於Netflix上架，今季繼續拆解一眾主角擊破頭40個數字啤牌關卡後，今季開始挑戰JQK公仔牌打Boss兼終極解謎。當然除了飾演男主角有栖的山崎賢人及女主角土屋太鳳深受注目外，長腿三吉彩花、水雞朝奈比彩等一眾星級闖關同伴於今季更加大受歡迎，今季最矚目登場的當然是全裸演出的山P （山下智久）吧！咁究竟結局最尾會死剩幾多個？今際之國又係乜？呢啲你自己睇，今日Ming Watch就趁住Boxing Day為大家Unbox一下，以下今季四位最受歡迎男女配角於現實世界中，究竟深受哪些珠寶鐘錶品牌的喜愛！
於第二季飾演其中一名遊戲關卡Boss久間的山P，真係全劇赤裸！Body靚到不得了嘅山P早早已成為Bulgari品牌好友，更經常於IG露出品牌珠寶、Bulgari Aluminium腕錶，仲有一身肌肉，相信一眾粉絲亦非常熟悉。
劇中飾演調查科刑警代表安的三吉彩花雖然戲份不多，但是這位短髮女神樣貌身材冠絕全劇，早前已被Tiffany & Co. 收歸旗下，成為品牌首位日本代言人。
另一個最受歡迎角色水雞，由模特兒朝比奈彩飾演，平日遊走各大品牌活動的她，最近期就為Chaumet拍攝聖誕廣告硬照，有別於劇中比堅尼性感一面。
劇中飾演反派韮木的櫻田通，角色凶狠鮮明，由第一季燒傷到第二季都仲未死得外，更加繼續堅持要姦污女主角宇佐木！現實中擁有高挑身材的他，型男一名，早前更出席IWC Big Pilot腕錶活動。