尊尼特普（Johnny Depp）與前妻Amber Heard互告誹謗，最終尊尼特普獲賠千五萬美元（約1.17億港元），究竟拎住呢筆賠款，Johnny哥這位怪雞型男如果想買返幾款新錶，可以有乜嘢選擇？
首先，我地先由Johnny哥性格，以及戴過咩錶，從而分析一下，Johnny哥未來可以有乜錶買。影到Johnny哥戴錶時間唔多，包較多人談論嘅，係Juvenia嘅Sextant，即係以六分儀做指針嗰個款，還有就係Corum嘅Bubble，錶盤有骷髏頭或係有骷髏海盜圖像嘅。總結一句，Johnny哥鐘意係：有怪雞時間顯示嘅腕錶，同骷髏頭……
Johnny哥於2008年影Esquire封面時戴住Juvenia嘅Sextant。
Johnny哥早兩年在Zurich電影節戴過Corum Bubble Skull。
Johnny哥亦有戴過另一款Corum Bubble。
先講近期推出的怪雞時間顯示，唔可以唔提Ulysse Nardin雅典錶新作Freak S。2001年，第一款Freak奇想系列腕錶横空出世，此後20多年來，雅典錶不斷突破傳統製錶規範，Freak奇想系列已成為高級製錶的象徵，為製錶業帶來了諸多意義深遠的變革與創新。設計出品牌首款配備差速器的雙振蕩器裝置，採用磨床式自動上鏈系統，效率是傳統上鍊系統的兩倍。
延續 2018年Freak Vision奇想創見腕錶開創的技術傳奇。藍寶石水晶鏡鏡下，傳統指針、錶盤和錶冠均不見蹤影， 僅有一枚動力儲存長達72小時的卡羅素機芯Cal. UN-251，兩個超大號矽製擺輪分別固定於不同的平面，彷彿分置於兩個發射台，連接兩者的差速器則獲取兩個擺輪的平均速率。 兩個擺輪所在的平面間呈 20°夾角，附有重量慣性塊，通過火箭尾翼造型的玫瑰金板橋連為一體。 還有骷髏頭錶盤，近日又好似唔太多見，就連從前多以骷髏頭為設計靈感的Bell & Ross及Richard Mille都少咗，不過Johnny哥可以選擇較近期Chopard為亡靈節推出限量三問腕錶：L.U.C Full Strike「‘Día de los Muertos 亡靈節」。
腕錶所流露出的墨西哥特色比比皆是，精美錶盤巧妙地將機芯可見部件化成富有幾何感的設計元素。三問報時的音錘成為骷髏上的眼窩，骷髏圖案的鬍鬚融為一體，進一步強調不對稱美感，而動力儲存的同心指示則化作骷髏頭上的另外一隻眼睛。錶圈鑲嵌長方形切割藍寶石，猶如幽邃深沉的藍色光環，圍繞骷髏頭骨。而符合倫理道德標準的18K白金錶殼上的手工鐫刻圖案，為亡靈節歡悅氛圍錦上添花。 又骷髏頭又亡靈節，絕對啱晒Johnny哥咁怪雞嘅性格啦。
/Text/Anson Tang
/Photo/網上圖片