Bvlgari尋晚於尖沙咀瑰麗酒店，舉辦咗一場金光閃閃嘅日落派對，由模特兒於日落時份穿起全新抵港嘅Serpenti Seduttori女裝腕錶及Serpenti珠寶系列，於泳池畔行貓步。仲請嚟一班城中時尚代表，包括馬天佑、林愷鈴等等，以型格配搭展示Serpenti Seduttori「生而閃耀」嘅設計主題。

Serpenti Seduttori系列嘅水滴型錶頭靈感來自Serpenti Tubogas系列，最特別之處係蛇鱗紋一樣嘅六角形鏈節。腕錶有玫瑰金、白金及黃金，有兩款鑲鑽款式，讓女士們展現自己嘅黃金時刻。