想創香港：蛋卷樂園 ming admin 4 年 ago 傳統港式蛋卷著重鬆化多層嘅蜂巢狀結構，入口要有濃濃嘅蛋香。由香港同台灣人成立嘅The Roll 蛋卷樂園，就做到既鬆化又唔易碎嘅質感，同時發揮到原材料例如蛋黃、牛油嘅真味；條條純人手製作、包裝、入罐，每日限量生產100罐。 除咗好受歡迎嘅原味，蛋卷樂園仲有抹茶、朱古力、咖啡同玫瑰等唔同味道，用料都係最講究嘅進口食材，例如有70年歷史嘅紐西蘭金桶牛油、Nippn日本麵粉、小山園抹茶粉、Valrhona朱古力粉等等。喜歡蛋卷嘅朋友，不妨畀個機會試試本地手工出品？(有得送貨上門架！)