張誠忠係本地碩果僅存嘅幾位手雕麻雀師傅之一，六十年代開始喺九龍城家族式經營復興隆蔴雀廠，由外國進口原材料，一條龍生產手工麻雀。麻雀廠經營40多年，去到2009年結業後，張師傅以為自己嘅手雕工藝已經無用武之地。張師傅女兒Karen張凱欣係本地插畫師，畫功了得，又創意十足，佢將家族式經營嘅復興隆蔴雀廠故事畫成插畫，反應非常好，於是諗到用新派嘅麻雀設計，重新宣揚推廣爸爸手雕麻雀嘅手藝，既可留住香港一門傳統，新嘅創作方式亦緊密連結起父女之間，以至張氏整個家族嘅感情。
過兩日就係父親節，明錶編輯部希望藉住呢條片，祝願天下父親健康快樂。
特別鳴謝：The Mahjong麻雀客棧