現代人鍾意陀飛輪，相信其中一大原因係陀飛輪為腕錶帶來無可比擬嘅視覺效果，睇住陀飛輪轉又轉，絕對係錶迷們一大享受。
雅典全新嘅Executive Tourbillon “Free Wheel”就畀你多一重視覺享受，雅典全新UN-176手上鍊機芯嘅主要部件，都擺放咗喺呢款”Free Wheel”嘅錶面，12點位置有發條盒，3點及9點位置一帶有一系列齒輪系，4點位置有七日動力儲備顯示，6點位置有雅典錨形陀飛輪，側邊紫色嘅係矽製擒縱輪，所有部件都宛若懸浮喺錶面一樣，手動上鍊時更可欣賞到一場機械活動盛宴，配上box form嘅藍寶石水晶錶鏡，就算喺錶殼側面都可以窺視到錶面嘅機械運作，認真令人目不暇及。
Executive Tourbillon “Free Wheel”有玫瑰金同白金兩個版本，錶殼直徑44毫米，玫瑰金款配雕刻板岩錶盤，白金款則配黑色蜂巢網格錶盤。玫瑰金版本售價約$807,000，白金版本售價約$832,200。