Corum每年都有玩味十足嘅Bubble系列，今年照舊同唔同嘅藝術家合作，出咗一批新款式。但講到最引到錶迷注意嘅，係Bubble系列首次推出中央陀飛輪，又新潮又有機械美感。Admiral系列嘅Squelette鏤空款式，亦表現出跳脫嘅一面，加入顏色鮮明嘅刻度軌，惹人注目。Heritage Romvlvs Annual Calendar復刻出Corum羅馬字款嘅味道，配上全綠色造型令人耳目一新。最多人喜愛嘅Hobo Coin錢幣錶則認真係收藏家之選。愛泡泡系列，愛玩味，愛型格，愛活力，今年嘅Corum一定係你杯茶。